Rosavondómató

Biðst afsökunar á bloggskorti. Orsök má rekja til streituvaldandi þátttöku í sjónvarpsþætti. Ekki orð um það meir. Ég reyndi að blogga í gærkveldi en þá lá Blogger niðri. Í gær bauð ég Tinnu út að borða sökum ríkisdæmis míns en það fór ekki betur en svo að við enduðum á Rossopomodoro og fengum afskaplega vondan mat. Pizzurnar voru vondar og desertarnir gamlir. Við reyndum samt að vera jákvæð og hrósuðum pepsi-inu í hástert. Við kenndum Indian Mango um því einhverra hluta vegna er lokað þar í janúar og neyddumst við þess vegna að leita á önnur mið með fyrrnefndum afleiðingum.
Nú sit ég hér geispandi í vinnunni og reyni að koma einhverju í verk.
Annars er það helst í fréttum að ég dreif mig loksins í leikfimi. Keypti kort í Laugum sem mér líkar enn sem komið er mjög vel við, nóg pláss og lítil svitafýla. Er því hér með hafið hið mikla missjón: Snorrenegger 2006 !

Aaaa.. yndislega fólk. Alltaf gaman að endurnýja kynni sín af þeim. Hlæ alltaf að sömu góðu brandörunum. Sjá: Spaced-out.org.uk

Aðjúnktinn mælir..

Já góðan daginn. Kominn tími á blogg. Er í vinnunni að gera mest lítið. Fátt í fréttum svo sem nema að ég hef verið með bæklað hné síðustu daga og fer því haltrandi um auk þess sem ég veit fátt kvalafyllra en að stíga á bensíngjöfina. Orsök þessa meins er ókunn en ég held sem betur fer að það sé að skána.
Aðalbrandarinn um þessar mundir er hinn ógurlegi selebstatus sem aðjúnktinn hefur öðlast á öldum ljósvakans. Meðal annars tók hið virta rit DV viðtal við mig (vek athygli á því að það var eftir að ritstjórarnir sögðu upp ). Var það auðvitað mjög DV-lega framsett þó ekki hafi verið vitlaust vitnað í mig (enda sagði ég svo sem ekki mikið). Vakti mesta lukku hvað myndin af mér var nú stór miðað við andstæðinginn !! Sussussuss verð að vinna í þessu. Kannski ég skelli mér til Keflavíkur og stripplist aðeins - og þá er pistill í Sirkus og VIP-status í röðina á Ólíver á næsta leyti. Því það er svo eftirsóknarvert. Ég skil einnig ekkert í því að Hér og nú hafi ekki haft samband ennþá, ég sem var að vonast til að vera bendlaður við Júbí..."Aðjúnktinn stelur hjarta heimsfegurðardrottningar" o.s.f.v.
En að öllu gamni slepptu þá hefur þetta allt verið hið skemmtilegasta. Ókunnugt fólk að óska manni til hamingju og svona. Svo var auðvitað hið besta mál að vinna 150.000 kall - þar með hefur skyndiákvörðunin um að fara í forprófið heldur betur borgað sig óháð því hvað gerist næst.
Jæja kannski ég reyni að vinna e-ð.
Kveðja Adiuncto

PS Ef þið viljið hitta mig endilega pantið tíma hjá umboðsmanninum, Dorrit Músasjeff.

Aðjúnkt Sigurðsson

Stöð 2 er alveg að tapa sér yfir þeirri staðreynd að ég er aðjúnkt. Það er ákaflega fyndið en það verður að viðurkennast að það er líka ákaflega fyndið að vera aðjúnkt.

PS Þakka stuðninginn sem kemur úr ótrúlegustu áttum

Blogg 10.01.2005 (tilraun til minimalisma).

Jæja þetta virkaði. Smá frekja og yfirgangur og kommentin hlaðast inn ! Þakka ykkur fyrir, ég hafði gaman af þessu. Annars er lítið í fréttum svosem, kennslan er að byrja á nýjan leik með tilheyrandi skipulagningu og stressi. Úff og síðasta törn rétt svo búin.
Í gær fór ég á magnaða tónleika með Tallis Scholars. Guðdómlega fallegur endurreisnarsöngur. Ég var í algerri leiðslu til að byrja með. Og þótt Allegri hafi alltaf verið í uppáhaldivar held ég að Agnus Dei í Josquin de Prez hafi verið magnaðast. Og slagveðrið úti skapaði sérstaka stemmingu.
Úff ég er orðinn vel þreyttur. Þurfti að ritskoða þetta stutta blogg tvisvar því það var ekki heil brú í sumum setningunum.
Og já. Klukkan er meira en tólf............Ljóskan á afmæli !!! Til hamingju :)

Blogg sem stressmeðal

Já, ehm.. mér semsagt datt eitt sniðugt í hug. Hér með krefst ég þess að nafnleynd sé afnumin og skikka alla lesendur þessa bloggs (sem því þora) að kvitta í kommentakerfið. Bara nafnið er nóg. Þannig kemst ég að því hvaða (sorglega fáa) fólk les þessi orð.
Veríð nú svo væn.
Takk.
Snorri

Á morgun

Ég er mjög nálægt því að fá taugaáfall af spenningi. Hvernig kom ég mér út í þetta ?