Stuð að eilífu...

Já
það er margt fyrir Snorkinn að hlakka til þessa daganna ! Sem dæmi má nefna Pixies, París að ógleymdu KENÝA !!!!
Maður verður hreinlega vitstola að hugsa um þetta allt í einu. Þannig að í staðinn reyni ég að hugsa niðurdrepandi og mannskemmandi hugsanir eins og um allar ritgerðirnar sem ég þarf að skrifa og er að renna á rassinn með eða þá ömurlegu staðreynd að ég hef ekki fengið neina vinnu í sumar sem útskýrist af þeirri enn ömurlegri staðreynd að ég hef ekki gert rass í bala til að bæta það ástand ! Ég þoli bara ekki þetta konsept: Vinna !! Ég er ekki með nógu mikið sigg á höndum og iljum til að´sjá hið góða gildi þess að vinna ! Endilega einhver að rífa silfurskeiðina úr kjaftinum á mér og kinnhesta mig soldið, ekki veitir af !!
En allt þetta skiptir engu máli því ég er að fara til KENÝA !!!! Muhahahahahahaha
Snorri litli fær loksins að sjá gíraffa í beinni :)

...tekist á við bloggkvíðann..

Nú gengur þetta ekki lengur - síða þessi má eigi deyja drottni sínum eins og afvelta rolla.
Af "yours truly" er það helst að frétta að nýliðin helgi var í einu orði sagt stórkostleg !! Hin frábæra bústaðarferð Haxa gerði gífurlega lukku meðal allra viðstaddra ! Brátt munu myndir úr henni birtast á síðu Haxa sem eru svo sannarlega skrautlegar (búinn að sjá þær flestar).

Meðal skemmtilegra atburða:
- Tekið Trivial frá '85 með tilheyrandi spurningum um Íslandsmeistara kvenna í bingói árið 1983
- Mishrátt kjöt étið (auk þess komu sumir með salat)
- Blönduð bolla og drukkin..og svo meiri og svo meiri og svo meiri
- Stiginn trylltur dans og klístri makað á gólfin undan skóm og úr glösum
- Tryggvi stýrði fjölradda fjöldasöng
- Ólöf datt (a.m.k 2 en örugglega oftar)
- Edda var oftar á hvolfi en upprétt
- Ýmsir líkamshlutar voru bornir saman (nefnum engin nöfn en áhugasömum bent á að skoða myndirnar á Haxasíðunni)
- Sindri fór of snemma að sofa (að eigin sögn ) eða um 5 leytið
- Rósa vaknaði hlæjandi en var ekki eins kát 10 mínútum seinna þegar hún stóð upp í fyrsta sinn
- Karólína skúraði..... og vaskaði upp og fl meðan aðrir voru latari (þið vitið upp á ykkur sökina)
- Maggi hélt ítrekaðar tölur sem tengdust Tyrkjaráninu og Hótel Framtíð o.fl við mikla kátínu viðstaddra
- Liðið fældi burt friðlofandi fjölskyldufólk úr pottum sundlaugar Borgarness
- Hið heilaga majónes var innbyrt
- Meðal skemmtilegra nýyrða vakti "afbrund" mestu umræðuna en "endaþarmsskegg" mesta fögnuðinn

Eru allir sammála um að slíka dásemd, sem svona bústaðarferð er, verði að endurtaka við fyrsta tækifæri !!