Muhuhuhuhuhuhuhuhuhu....

28 stiga hiti og sól.
Og ég inni að læra undir próf.
Svindl.

Held ég setji á mig gæjasólgleraugun og fari út og kaupi mér frappucino !

Eitt og annað..

Eitt: Nú styttist í að ég komi heim í þriggja vikna stopp til að anda að mér íslensku lofti og kyssa og knúsa vini og ættingja og svara spurningum eins og "Hvernig gengur ? " og " Ertu orðinn spenntur að klára og koma heim ? " að ógleymdri klassíkinni "Hvað ætlarðu svo að gera næsta vetur ? ". Verst að ég hef ekki svar við neinum af þessum spurningum. Allt í lífinu er frekar óljóst þessa daganna. En það er líka bara ágætt. Það sem er hins vegar afar ljóst er að eftir tvær vikur fer ég í tvö próf sem hræða mig mjög. Annað er setlagafræði. Spurt er: er til e-ð skelfilegra og óáhugaverðara ? Svar: Nei ! Mjög líklega ekki. En ég stend mig vel í að sannfæra sjálfan mig um að þetta verði í góðu lagi og ég þurfi ekkert að byrja að læra. Hmmm.. kannski ætti ég að byrja að læra ?

Annað: Framundan er akút ryksugun þar sem það er einhver óværa í herberginu mínu sem bítur mig í lappirnar amk einu sinni á dag og skilur eftir rauð bit sem mig klæjar í. Afar dularfullt.

Enn eitt: Í dag var ég í Cardiff og sá þau stærstu brjóst sem ég á ævi minni hef séð á alls ekki svo stórri konu. Það fyrsta sem mér datt í hug var War of the Worlds enda voru þau eins of tvær plánetur við það að springa í loft upp ! Wales er nú líka soldið spes staður.

Ljótur heimur

Já kominn tími til að blogga.
Það er óneitanlega margt ólíkt við að lifa á gamla klakanum með hinum 290.000 hræðunum eða búa í 60 milljón íbúa þjóð eins og Bretlandi. Eitt sem hefur slegið mig þónokkuð (er ég fylgist með fréttum) er hinn gríðarlegi fjöldi morða og annarra hryllilegra ofbeldisglæpa hér á landi. Það er a.m.k 1 óhugnanlegt morð, nauðgun eða ofbeldisárás sem á sér stað í hverri viku eins og sjá má á forsíðum dagblaða og vefsíðna. Um daginn var ung kona sem var á gangi með barnungan son sinn í kerru fyrir fólskulegri og tilefnislegri árás ókunnugs manns. Hann stakk hana einu sinni í hálsinn og hljóp svo burt. Ástæðan er ókunn, ekki rændi hann neinu af henni né átti sér nein kynferðisleg misnotkun sér stað. Konan fannst liggjandi í blóði sínu með soninn felmtri sleginn við hlið hennar. Hún lifði árásina af en er lömuð frá hálsi. Þessi atburður átti sér stað í örsmáu þorpi í Suður-Englandi fjarri öllum skuggastrætum stóru borgana og vakti mikinn hrylling.
Nýjasti skelfingaratburðurinn átti sér stað í vikunni er tveimur unglingsstúlkum var rænt þar sem þær stóðu fyrir framan pöbb. Þær voru neyddar upp í bíl og keyrðar í hús þar sem þeim var nauðgað og misþyrmt klukkutímum saman. Önnur var svo stungin til bana en hin skotin í höfuðið. Voru þær svo skildar eftir á víðavangi víðsfjarri þeim stað er þær voru brottnumdar á. Sú sem var skotin lifði af þótt ótrúlegt sé og gat sagt frá atburðinum og lýst árasarmönnunum og hafa nú þegar handtökur farið fram og voru þetta menn um tvítugt sem áttu í hlut.
Báðir þessir atburðir eru svo hræðilegir að engin orð fá því lýst og ekki hægt að ímynda sér hryllinginn sem fórnarlömbin hafa gengið í gegn um.

Maður er því þakklátur fyrir þær góðu stundir sem maður hefur upplifað í lífinu og að lítilfjörleg vandamál eins og próflestur og skítug eldhús séu það eina erfiða sem maður þarf að díla við !

Góðar stundir

Og að lokum við frændsystkinin svöl á góðum degi, hliðarhársveipurinn á undirrituðum splendid ;) 

Api einn ágætur í Gíbraltar 

Alhambra-höllin í Granada. Myndin fyrir neðan er líka frá Granadaþ 

Kominn aftur frá Spáni !!!